Төвдин сойлын цутхлњ

Давсн долан хонгин чилгчір Элст балһсна 5 микрорайонд Төвдин сойлын цутхлњ секгдв. Бурхн Багшин Алтн сүмин зурхач Лобсанг Гьяцо эн цутхлњ секх седвәр татсмн. Цутхлњгин ул деер бичкн музей үүлдҗәнә. Энд төвд келн әмтнә бәәдл-җирһллә, сойлла, тууль-тууҗла таньлдҗ болхмн. Цааранднь иигәрән төвдин нертә кесг зурачнр, көгҗмчнр, дуучнр, шүлгчнр ирх гиҗ зуралгҗана.

Цутхлњ хойр давхр бәәшңгәс тогтсн бәәнә, хойрдгч давхрт дөрвн хора бәәнә. Музеяс нань цутхлњд мөргүлин хора бәәнә энд багшнр ном умшад, олн дунд цәәлһврин көдлмш давулхмн. Төвд кел дасхар седҗәх әмтн бас иигәрән ирҗ чадхмн. Цутхлњ секлһнә байрт орлцсн, хурлын ламнр, болн Энткәс ирсн Дуге ринпоче ном умшцхав. Эн соньн керг-үүлдврт бурхн шаҗнд шүтдг әмтн орлцад халун, бүлән үгәрн йөрәв. Цутхлњгин һол күсл төвд болн хальмг әмтнә хоорндк хәрлцән батруллһн болҗана.