Сарул гермўд тосхљ, Сін-сііхн љирєл теткні

Август сарин 7-д Элстд тосхачин Ґдрт нерідгдсн ґргмљті байрин сўўр болв. Байрин керг-ўўлдврт Хальмг Тањєчин Толєачин ўўлиг дав зуур дааљах Алексей Орлов, тањєчин Хуралын (Парламентин) Ахлач Анатолий Козачко, правительствин Ахлачин дарук Геннадий Бадинов, тањєчин тосхлтын, кґлгн-кўчні болн хаалєин эдл-ахун министр Кирилл Ботов, тосхлтын халхин кґдлічнр болн ветеранмуд орлцв.

Министр Кирилл Ботов байрин хургиг секљ, цуглрсн улсиг байрлань йґріљ, амулњ, бііхті љирєл, хґв-кишг, кех-кўціх керг-ўўлнь цаєан хаалєта болхиг дурдв. Тосхачнр эрдминнь байрин ґдрлі тохрсн авъясар кґдлмшиннь ашан диглні. Тегід Кирилл Ботов илдкл кељ, сўл љилин эргцд тосхлтын халхин ўўлдврин тускар ахрар келљ ґгв.

Тањєчд нидн тосхлтын халхд 940 сай єар арслњга кемљіті инвестиц орулгдсмн. 2013 љилд 111 мињєн шаху дґрвлљн метр шин гер-бўўр тосхгдсмн, эннь 2012 љилд орхнь 130 процентд даву болв. Эн љил 40,0 мињє єар дґрвлљн метр гер-бўўр эдлврт орулгдв, дікід 2013 љилин ўзмљіс бає биш гер-бўўр тосххар зуралљана.

Ґдгі цагт кимд гер-бўўр тосхлєна кергт онц оньг тусхагдљана. Бає теткврті улс, бає орута улс мґњгніннь кирцієір хулдљ авч чадх патьрмудта гермўд тосхгдхмн. 2014 љилин июнь сард мана тањєч «Ірісін ґрк-бўлин тґлі гер-бўўр» гидг шањєа шишлњ программ кўцігдх Ірісін Федерацин субъектсин тоод орв. Июль сард тањєчин правительств Ірісін тосхлтын министерствлі эн туст бооца батлсмн. Тегід эн љиліс авн тањєчд кимд гер-бўўр тосхлєна керг эклљ кўцігдх.

Нидн болн эн љилин тўрўн ґрілд шањєа дґњцл мґњг олзлљ, 3378 ґрк-бўл гер-бўўрин талан ясрулсмн. Тер тоод Тґрскін харсгч Алдр дііні ветеранмуд, цергі ўўлдвр кўцісн ветеранмуд, эрмдгті улс, баахн ґрк-бўлмўд, олн зўсн льготмуд олзлљах нань чигн улс. 2896 ґрк-бўл экин (ґрк-бўлин) капитал олзлљ, дееріснь хоршаллєна банксас мґњг ґгйієір авч немід, эврі гер-бўўрті болв.

Мана тањєчд шишлњ гер-бўўрин сањ тогтагдљана. Эндр ґдр Лагань болн Элст балєсдт ґнчір ґссн улсин тґлі гермўд эдлврт орулгдв. Эн туст цааранднь кґдлмш кегдхмн. Тосхачнр эрўл-менд харлєна, сурєуль-эрдмин халхсиг шинрўллєні, імтиг хуучн, эвдрсн гермўдіс нўўлєлєні программст, экономикин нань чигн халхст шунад орлцсмн.

Тањєчин Толєач Улсин Хуралын депутатнр кесн Дуудвртан удан цагт тосхгдљадго объектсиг дуусх кергті гисн кўсл тівсн билі. Тегід тањєч мґњгір теткід, Элстд бичкдўдин больницд капитальн ясвр тґгсв. Тер мет хотл балєсна 1-ч микрорайонд тањєчин спортивн комплексин тосхлтын кґдлмшиг шиніс эклљ, 2015 љил энўг эдлврт орулхмн. Тањєчин правительств Ірісін спортын министерствлі бооца батлв. Тегід федеральн болн тањєчин бюджетмўдіс мґњгн йилєгдљіні. Бас П.Жемчуевин нерті тањєчин больницд ясврин кґдлмш тґгсілєні болн Элст балєсн бичкдўдин поликлиникин тосхлт цааранднь кўцілєні тґр хаєлгдхмн.

Тањєчин Толєачин ўўлиг дав зуур дааљах Алексей Орлов цуглрсн улсиг байрлань йґрів. Хальмг улс Сивріс тґрскн єазрурн нўўљ ирхд дарунь тањєчан шиніс босхад, шин гермўд тосхсн ветеранмудын ач-тусинь темдглљ, зўркни ханлтан ґргв. Эдні кесгинь таньдг, меддг тґлідін нер-усинь зааєад келв. Ветеранмуд ўнті селвгін ґгч, байн дамшлтарн хувалцљ, кесг ўй тосхачнриг сурєсмн. Ода теднь тосхлтын халхар кўцімљтієір кґдлљ, олн імтнд, тањєчдан тусан кўргљ йовна. Дарунь Алексей Орлов кўч-кґлсірн ончрсн «БАН» ООО-н ах архитекторт О.Гециловад, «ПИК» ОАО-н кґдлічнр В.Бадмараевад, Л. Позняк ахтад Хальмг Тањєчин олна эдл-ахун ачта кґдлічин кўндті цол зўўлєв, «Мегаполис» ООО-н мастер И.Манжеевд тањєчин Толєачин Ханлтын бичг бірўлљ ґгв. Тер мет тањєчин Улсин Хуралын (Парламентин) Ахлач А.Козачко, правительствин Ахлачин дарук Г.Бадинов, министр К.Ботов, Элст балєсна администрацин толєач А.Дорджиев йґрілин ўг келљ, кесг улсиг Кўндллєні єашгудар ачлв.

Тосхачин ґдр темдгллєні йовудт олн зўсн марєас бўрдігдсмн. Тегід тосхлтын, кґлгн-кўчні болн хаалєин эдл-ахун министрин дарук Очр Карников байрин біідлд «Хамгин сін тосхлтын организац» гидг марєанд диилвр бірсн «СУ-3» ООО-н єардач А.Цадыковд диплом болн телевизор бірўлљ ґгв. «Хамгин сін чолуч» гидг мергљлтин марєанд «Стройкомплект» ООО-н элч Чингис Гонзиков ончрљ, дипломар болн мґњгні мґрієір ачлгдв. «Мини эцк – тосхач» гидг зург зурлєна бичкдўдин марєанд диилвр бірсн Максим Жирносек бас дипломар болн ўнті белгір ачлгдв. Тер мет спартакиадт ончрсн «ДСК» ООО-н, Хальмг хаалєин заллтын, «ПИК» ОАО-н, тосхлтын министерствин командсин капитанмудт мґрісинь бірўлљ ґгв.

Байрин хургин чилгчір ўўдігч коллективс билг-эрдмін ўзўлљ, сергмљ ўўдів.