Архиепископ Юстиниан ўўлдін орв

Элстин болн Хальмг епархиг архиепископ Юстиниан толєалх гиљ давсн сарин чилгчір мана газет зіњгллі. Август сарин эклцір архиепископ Хальмг Тањєчур ирв. Казанск кафедральн чонљд цуглрсн олн улст ном умшад, мґргўл кељ архиепископ кґдлмшин шин єазрларн таньлдв.

Августын 7-д архиепископ Хальмг Тањєчин Толєачин ўўл дааљах Алексей Орловла харєв. Тањєчин біідл-љирєллі ўўлдін орљах архиепископиг Алексей Маратович таньлдулв. Хальмгин єазрт ирљ буусн цагасн авн мел энд урднь бііснлі ідл седклір дўўрњ болљахан архиепископ медўлв.

Августын 8-д архиепископ Казанск кафедральн чонљд ґрўни мґргўлд орлцв. Энд епархин єардачин ўўлиг цаг зуур дааљасн митрополит Кирилл бас ирљ орлцв. Мґргўлин хґґн орс шаљна ик ўўл дааљах эн хойр ўўлдіч цуглрсн улст йґрілин ўг келв. Хоорндан ни-негн, эвір бііх кергті гиљ эдн дуудвр кев. Ах федеральн инспектор Александр Беляев шаљна эн ўўлдврт орлцв.

Дарунь Ставропольск митрополит Кирилл цаг зуур Элстин болн Хальмгин епархиг толєалљасн ўўлісн бууљах цуг цааснд єаран тівід ода ўўлд орсн архиепископ Юстинианд йосинь єартнь бірўлљ ґгв. Дґрвн сарин туршарт Хальмгт ирід, шаљна ўўлдврт орлцад, олн улсла таньлдад, энд чик седклті, бурхнд шўтдг, кґдлмштін йир дигті, эврі єазртан дурта імтн бііхинь медљ авсн Кирилл темдглв. Иим улсла хамдан кґдлхд йир амр болн седклд тааста біісиг ўнн седклісн заав. Шин ирсн епископла хамдан Московск семинарийд сурч йовсан Кирилл тодлв.

Ода Хальмг епархиг толєалсн Юстиниан хальмг єазрур Америкас ирв. Эн тенд сўл љилмўдт кґдлљ йовсмн. Урднь Приднестровьед орс шаљна чонљ толєалљ йовсмн. Тенд болљасн дііні іімшгті љилмўдт Юстиниан імтнд иткмљ зўўлєљ, чик седклинь бурхна ўгір батлљ йовсмн. Олн улст омг ґгч, чик кергін харсљ авхднь туслсн тґліднь энўг «За личное мужество» гидг орденар ачлсмн. Архиепископ шаљна халхар кесг ачлврар темдглгдсмн. Московск семинарий тґгсісніннь хґґн Бухарестд богословск институтд шаљна халхар медрлін гўўдўлсмн. Юстиниан 1961 љилд Владимирск областьд тґрсмн. Бичкнісн авн шаљнд, Бурхнд церглх саната йовсмн.
Хальмгин єазрт шаљна ўўлдвр делгрўллєір ик кґдлмш кегдљіхинь архиепископ темдглв. Імтн хоорндан ни-негн біідл тогталєн, ямаран чигн тґриг хоорндан кўўндљ эвір хаєлх кергтієинь Юстиниан келсн ўгдін темдглв.