Үвлин паркд амрлһн – Отдых в зимнем парке

27-11-2014, 17:00 | Уроки

- Байрта, паркд одхмн болвзго? Тенд ода йир сәәхн. – Байрта, может, пойдем в парк? Там сейчас очень красиво.
- Йовий! Үвлин парк нанд таасгдна. – Пойдем. Мне нравится зимний парк.
- Хәлә, тенд бичкдүд цанар дошҗана. – Смотри, там дети катаются на санках.
- Тер хойр көвүн цасар монда кеһәд шивлдҗәнә. – Те двое мальчиков кидаются снежками.
- Бичкдүд даарчах бәәдл уга. Һаза киитн болв чигн тедн альвлад, гүүлдәд, даарчахш. – Дети, видимо, не замерзают. Несмотря на то, что на улице холодно, они балуют, бегают, поэтому им не холодно.
- Киитнд салькн уга болхла, һаза йовад амрхд тааста. – Когда холодно, но нет ветра, гулять по улице приятно.
- Харм төрхд, манад цасн икәр орхш. Тегәд лыжар, конкиһәр дошх арһ уга болна. – К сожалению, у нас не выпадает много снега. Поэтому нет возможности кататься на лыжах, на конках.
- Тер бийнь мана балһсн үвләр йир сәәхн.- Тем не менее, наш город зимой очень красив.
- Чик келҗәнәч. Урһа моддыг, шагшгудыг хучсн цасн чиндр цаһан көнҗлин бәәдлтә. – Ты прав. Снег, укрывший деревья и кустарники, похож на белоснежное одеяло.
- Удл уга Шин җилин байр болх. Чи эн өдриг альд темдглхәр бәәнәч? – Скоро наступит Новый год. Ты где его собираешься встречать?
- Бидн, тогтсн авъясар, Шин җилиг гертән тоснавидн. Арвн хойр час давсн хөөн элгн-садндан җиңнүләд, йөрәнәвидн. – Мы по традиции встречаем Новый год дома. После двенадцати часов звоним родственникам, поздравляем их.
- Эн жил байран гертән кечкәд, үүрмүдтән гиичд одый? – В этом году после празднования дома, пойдем в гости к друзьям?
- Одый. – Пойдем.
АНҖУКАН Ольга

Видео