Крымд федеральн университет секгдх

«Ірісін Федерацд сурєуль-эрдмин туск» гидг РФ-н заканас ишті В. Вернадскийин нерті Крымск федеральн университет бўрдігдхмн. Ірісін правительствин сўўрт эн тґрір шишлњ шиидвр батлгдв.

Эн университет долан вузин болн долан номин организацин ул деер бўрдігдхмн. Правительствин зааврас ишті Ірісін сурєуль-эрдмин болн номин министерств зурєан сарин эргцд эн университетин ґргљлтин программ белдх зґвті. Дікід єурвн сарин эргцд 2013-2020 љилмўдт кўцігдх «Сурєуль-эрдмин ґргљлт» гидг государственн программд орулх сўв-селвгўдін белдх зґвті.
РФ-н сурєуль-эрдмин болн номин министерств Крым Республикин министрмўдин Хўўвлі болн Росимуществла хамдан 2016 љилин январь сар кўртл университет бўрділєні керг-тґриг хаєлх зґвті.

Шин университетин ўўлдвр Крымск федеральн округин социальн-экономическ ґргљлтд сін нилчін кўргхнь лавта. Энд ґґдін мергљлтті специалистнриг белдхмн, олн зўсн номин халхар гўн шинљллтс кегдх. Эн университет тґгсісн баєчуд тґрскн єазртан кґдлљ, тањєчдан ик тусан кўргхнь маєд уга.

Ґдгі цагт Ірісід йисн федеральн университет ўўлдні, эннь Балтийск (Калининград), Хол дорд ўзгин (Владивосток), Казанск (Приволжск), Ар ўзгин (Архангельск), Ар ўзгин болн Дорд ўзгин (Якутск), Ар ўзгин Кавказин (Сарпуль), Сиврин (Красноярск), Уральск (Екатеринбург) болн Ґмн ўзгин (Ростов- на- Дону).