Билгті специалистнрин тоог икдўлхір

Тањєчин сурєуль - эрдмин министерствин шиидврір математикин багшнрин II республиканск «Куб» гидг олимпиад бўрдігдљіні. Багшин тоомсринь ґґдлўлхин, эдні нўўрлгч дамшлтыг йилєљ авхин болн дґњнхин, тедні ўўдігч кўчинь болн профессиональн ґслтинь делгрўлхин тґлі эн керг – ўўлдвриг цааранднь кељіні. Август сарин 20- д Элстд Хальмг госуниверситетин єурвдгч корпуст эн болхмн. Олимпиадт 20 єар багш орлцх.

Давсн љил диилічнь Элстин классическ гимназин математикин багш Александр Шардаевич Дорджиев болв. Олимпиад бўрділєнд тер мет Хальмг госуниверситет, тањєчин багшнрин мергљлт ґґдлўллєні институт (КРИПКРО)орлцљана. Эн ик керг - ўўлдврин бўрдімљин – технологическ белдвринь сурєуль - эрдмин чинринь ўнлєні цутхлњ теткљіні.

Тањєчин школмудт РАО-н академик Пўрві Эрдниевин ўўдісн УДЕ технологиг ґргір олзлхин, билгті болн гўн медрлті багшнриг номин - шинљллтин ўўлдврт орлцулхин тґлі олимпиад кўцігдљіні.

Тиим кевір математикин багшнрин ўўдігч ўўлдврнь шунмєадулгдх. Тер мет педагогическ дамшлтын хамгин туста эв -арєиг улм ґргір тархаљ болхмн. Математикір олн зўсн кемљіні олимпиадын, ЕГЭ - н даалєвриг тўргір болн дигтієір кўцідг багшнрин билг- эрдминь делгрўллєні кўцл бас тівгдљіні.

Диилічнриг болн призермудыг шишлњ жюри йилєљ авх. Цуг тоот ашлгч таблицд орулгдх. Олимпиадын ашнь сентябрь сард диглгдх.