Сбербанк Хальмгин волонтермүдт 5 000 харслһна халхц өгв

10-04-2020, 17:27 | Таңһчин зәңгс » Эрўл-менд харлһн

Сбербанкин өгсн халхцс хаҗуһас дөң-нөкд угаһар йовҗ чаддго болн медәтә улст дөң-тусан күргҗәх волонтёрмүдин штабмудт зөрүлгдв.
Апрель сарин 8-д Сбербанк олн улс дунд гем тархагдсна цагт #МЫВМЕСТЕ гидг нег-негндән дөң күрглһнә акцт бас орлцв. Таңһчин волонтёрмүдин штабмуд 5000 халхц авв. Әрәсән цуг регионмудт банк ут тоодан 700 миңһн халхц һарһҗ өгв.
Волонтёр болх саната күн болһн мывместе2020.рф гидг шишлң сайтд орад, нер-усан бичҗ орулад, карантинд бәәх әмтнд әәмшг угаһар дөң күрглһнә техникин зокалын халхар шишлң инструктаж авч чадҗана. Эврә дурарн волонтёр болсн улс гертәсн һарч чаддго әмтнд хот-хол, эм болн наадк кергтә тоотс күргҗ өгнә.
«Мана орн-нутгин олн-әмтн Нарт-Делкәд түргәр тархгдҗах коронавирусын гемәс көлтә һаза һарлго гертән сууцхана. Өдгә амр биш цагт зовлң эдлҗәх улст гертнь учрсн бәәцин төрмүд хаһлхд волонтёрмүд дөң күргҗәнә. Әмтнд туслҗах улс бийән чигн харсх зөвтә. Тегәд чигн банк эднд халхц һарһҗ өгхәр шиидлә. Тиим дөң-тус күрглһн өдгә цагт нәрн төр болҗ үлдҗәнә», - гиҗ Сбербанкин Хальмгин әңгин һардач Бухан Андрей келв.

Мана зәңгч

Видео