Байрта йовдл. ЙИРТІ ЭЭЉ ГЕМИГ ДИИЛЉ ЧАДВ

08-05-2020, 10:22 | Таңһчин зәңгс » Эрўл-менд харлһн

Элст балєснд 2-ч тойгта инфекционн госпитальд эмнлєнд біісн Надежда Бамбушевна Мукабенова коронавирус геміс эдгсні туск байрта зіњг ирв. Йирті ээљ эн кўнд гемиг диилљ чадад, терўніс эдгсн улс дунд хамгин наста болљана. Эн байрта йовдлла Надежда Бамбушевнаг Хальмг Тањєчин Толєач Хаска Бату йґрієід, бат эрўл-менд дурдв.
«Мана Хальмг Тањєчин цуг улст болн Надежда Бамбушевнад, Тґрскін харсгч Алдр діінд орлцачин белвснд, 9 ач-зееті болн 15 љичті ээљд бат эрўл-менд дурдљанав! Мана эрўл-менд харлєна кґдлічнрт болхла кўнд кґдлмшиг даавртаєар болн ґґдін мергљлттієір кўціљіх тґліднь болн коронавирусас хґрлєнд орлцљах нег єазра улст ик ханлтан ґргљінів», - гиљ Бату Сергеевич келв.
Тањєчин Толєачин барин цергллтин зіњглсір, ээљ гертін ґґрхн элгн-садасн эн гемір хальдв. Харм тґрхд, тедн гемтієін медсн уга бііљ. Ээљ дигті 90 љилин ґґнин ґмн мґрн сарин 14-д больницд тусв. Светлана кўўкнь келсір, тањєчин цуг імтн Надежда Бамбушевна гемнснд зовад, эрўл-менд харлєна министр Кикені Юрий ґдр болєн шуд зіњгллє давулсн цагт ээљин эрўл-мендин біідлір соньмсдг біісмн. Тер цаг эдні ґрк-бўлд кўнд болв, эдн эњкр экдін болн ээљдін зовад, шулуєар эдгтхі гиљ зальврсн билі. Эрўл-менд харлєна министр Кикені Юрийин єардврт хальмг эмчнр ґґдін мергљлтін ўзўлід, байн дамшлтан олзлад, ээљиг эдгіљ авснд ґрк-бўлнь зўркни ханлтан эднд ґргљіні.
Надежда Бамбушевна 1930 љилд Сарпан района Шарнут селінд тґрљ єарсмн. Кўўкн эрт эк уга ўлдід, герин кґдлмш кўцідг дассмн. Арвн негтієісн авн бичкн Надя хґґчір кґдљ йовсн эцкдін малын хошт нґкд болдг болсмн. Цуг хальмг улсла хамдан эн тууврин кўчр зовлњгиг дааљ, кесг зовлњ ўзв. Сиврин єазрт эн Советск Іірмин офицер Савелий Бабичевич Гунаевла таньлдад, ґрк-бўлін тенд ґнділєв. Савелий Бабичевич Тґрскін харсгч Алдр дііні ветеран билі. Эн Краснодарск цергі училищ тґгсісні дару діінд тусв. Тюменьд тууврт біісн цагтан Надежда Бамбушевна тўўмр унтралєна іњгд кґдлв. Баахн кґдлічиг тўўмр унтралєнд тўрўн зерглінд йовулдг біісмн. Мукґвўні Надеждан љирєлин хаалєнь адрута билі, эн олн зўсн кўчр зовлњ дааљ єарв. Болв ээљ тўрў ўзљ тґлљід, чањєрад, ямаран чигн зовлњгиг толєаєан ґґдін бірљ диилдг дасв.
Тууврин хґґн эдні ґрк-бўл тґрскн єазрурн хірљ ирід, Городовиковск района Бає Буурл селінд ирљ біів. Надежда Бамбушевна болн Савелий Бабичевич хамдан дґчн дґрвн љилдін ни-негн біієід, дґрвн ўрндін чик сурємљ ґгід, отг-іімгтін кўндлє болн тоомср олв. Эдн селіні эдл-ахуд олн љилдін ўнн-чик седклтієір кґдлід, района делгрлтд ик тівцін орулсн улс болна. Эндр ээљ 9 ач-зееєиннь болн 15 љич-зеенчнрин кишгт багтљ, эднд нўдн-амн болљ бііні. Медіт ґрўн болєн зулан ґргід, кґрсті єазр деер біідг цуг улс эрўл-менд, мањгна-тиньгр біітхі, дін бичі учртха, дорас ґсч йовх ўйин љирєл сііхн болтха гиљ зальврна.
Эњкр ээљнь кўнд геміс эдгснд эдні ґнр-ґсклњ ґрк-бўл байрлљ, эрўл-менд харлєна кґдлічнрт ик ханлтан ґргљіні. Светлана кўўкнь бийнь эрўл-менд харлєна кґдліч болна, тегід хальдврта геміс хґрлєнд орлцљах эмчнр, дунд медицинск кґдлічнр, санитаркс ода арє-чидлін нґґлго амрлєн угаєар кґдлљіхиг медљіні. Цугтан эдн ґрк-бўлті, ўрн-садта улс болна, болв эдн кґдлмштін удан цагтан бііљ теднін ўздг арє уга бііні. «Гертін цуєар біітн, эн геміс саглтн, бийін болн ґґрхн улсан сіінір хілітн!»- гиљ эн тањєчин улст дуудвр кељіні.

ДООЉАН Наталья
ЗУРГТ: йирті ээљ Мукґвўні Надежда

Байрта йовдл. ЙИРТІ ЭЭЉ ГЕМИГ ДИИЛЉ ЧАДВ

Видео