Хальмдврта гемәс саглхар

09-11-2020, 16:10 | Таңһчин зәңгс » Эрўл-менд харлһн

Хальмг Таңһчин правительствин Ахлачин негдгч дарук Бадмин Боова Әрәсәд коронавирус гем түглһнәс хөрлһнә төрәр болсн селекторн селвлцәнд орлцв. Терүг Әрәсән правительствин Ахлачин дарук Татьяна Голикова һардҗ давулв.
Мана таңһчд эн хальдврта гемәр гемтсн улст медицинск дөң күрглһн амбулаторн болн стационарн кевәр бүрдәгдсн бәәнә. Гемнь гиигн кевәр давҗах улст поликлиникин көдләчнр дөң күрглһнә керг-үүлдврмүдин диг-даран тогтагдв. Эднд гер деернь түрүн дөң күрггдҗ, эднә эрүл-мендин бәәдл шинҗлгднә. Кемр әмтн поликлиникд бийснь ирсн болхла, теднд инфекционн бокст дөң күрггднә. Эмнлһнә бүрдәцст ОРВИ гемтә әмтнә төлә зәңг барлгдсн бәәнә.
Лабораторин шинҗллтин ашар COVID-19 илдкгдсн әмтнд түргн дөң күрглһнә кабинетмүдин болн райодын эмнлһсин, балһсна поликлиникин, таңһчин бичкдүдин медицинск төвин, бачм медицинә болн түргн дөң күрглһнә төвин бачм дөң күрглһнә станцин шишлң бригадмуд дөң күргнә. Түргн дөң күрглһнә «цевр» бригадмудын медлд эн гем лабораторн кевәр иткүлгдәд уга улс бәәнә. Элст балһсна поликлиникин 6-ч микрорайонд үүлддг филиалд әмтн чеерүдт удан зогсшгон төлә электронн кевәр эмчд бичгдлһн эклв. Хойр эмч өдр болһн урдаснь талон авсн әмтиг хәләнә, дәкәд хойр эмч урдаснь бичгдлго чеерүдәр ирсн улсиг хәләнә. Әмтн нег ормд олар цуглршгон төлә талонд кезә ирх цагнь заагдна.

Мана зәңгч

Видео