Ик сурєуль

13-11-2020, 15:46 | Таңһчин зәңгс » Сурєуль-эрдм

Мана тањєчин алдр єардач Басан Городовиков экономикин, селіні эдл-ахун болн ўўлдврин бат ул тівсн деерін ик сурєулиг делгрўллєнд єол оньган ґгчісмн. Дііні ґмн Хальмг Тањєчд ик сурєуль уга біісмн. Зуг Басан Городовиковин нилчір Элстд 1964 љил Багшнрин Деед сурєуль секгдсмн. Энўні ул деер 1970 љил Хальмг госуниверситет ўўдігдсмн, эн кергт Басан Бадьминович бас ик тівцін орулсмн, тегід чигн эндр ґдр Хальмг ик сурєуль Городовиковин нер зўўљіні, тањєчин єоллгч вузиг тогтасна тівн љилин ончта ґґниг бидн эн љил темдглљінівидн. Тањєчд эрк биш ик сурєулиг делгрўлх кергтієинь цецн ухата єардач медљісмн, яєад гихлі экономикин, сурєуль-эрдмин цуг салвриг делгрўлхин тґлі эврі кадрмуд белдх кергті біісмн.
Тегід ўкр, бар сармудт Хальмг КГУ-д Басан Городовиковин ончта ґґнд нерідсн кесг керг-ўўлдвр болхмн. Ода тўгљіх вируста гемин іімшгті кем болљахинь оньгтан авад, цуг керг-ўўлдвр он-лайн кев-янзар бўрдігдх. Иигід соцгґлмд (сетьд) алдр єардачин болн генерал-лейтенантын намтрар викторин болхмн, терўг сіінір меддг сурєульчнр болн оютнр, баєчуд, йирин улс мґрір болн белгір ачлгдх.
Тер мет Хальмг ик сурєуль оютнрин тґлі Басан Городовиковин цаєан седклд, кўцісн олн кергт, тањєчд нерідсн шўлгўдин марєан зарлгдљана. Элст балєсна школмудын сурєульчнр болхла алдр єардачд нерідсн зурсн зургудын марєанд орлцх, хамгин сін ўўдівр бас ачлвр авх.
Басан Бадьминовичин олн халхин ўўлдврт, терўні ўлдісн ик зґґрт нерідід «Городовиков ґцклдўр, эндр, мањєдур» гидг нерті тґгрг ширін сўўр болхмн, энўнд ик сурєулин оютнр, багшнр, специалистнр орлцх. Ик кемљіті кергірн, цуцрлтан уга кўч-кґлсірн олна тоомср эзлсн єардачин біідл-љирєл Элстд дављасмн. Мана тањєчин хотл балєсна тґвд болх квест наадна йовудт оютнр кесг сурврт хірў ґгхмн, Городовиковла залєлдата кесг уульнцар болн талвњгар йовхмн.
Цааранднь «Хальмг Тањєчин алдр ўрн» гидг цуг тањєчин сурєульчнр, баєчуд орлцлєта керг-ўўлдвр болхмн. Дікід «Генерал Басан Городовиков» гидг нерті дегтрин єііхўл университетд секгдх, эн дегтріс оютнр кесг шин тоотыг медљ авхмн, эн тґр эдні номин шинљллтин тґрнь болад чигн бііхмн.
Дікід эн керг-ўўлдврин кемљінд Хальмг ик сурєулин оютнр болн багшнр Баатрмудын аллейд бііх Басан Городовиковин тґвд гўрмр цецгіс тівхмн. Цааранднь оютнрин багмудар, факультетмўдір «Кураторин цаг» болхмн, энд бас генералын цергі болн тўўні хґґтк ўўлдврин тускар кўўндвр кех.
Олна оньг «Интернет-челлендж» авлхнь лавта. Энд оютнр, багшнр, баєчуд Б. Городовиковин љирєлин тускар келљіх зургуд Интернетд орулљ тівхмн, эс гиљ єардачин біідл-љирєлд учрсн соньн йовдлын тускар келљ ґгх.
Спортд дурта оютнр мини-футболар болх марєанд орлцљ чадх. Тер мет «Звезда над степью» гидг нааднд оютнр медрлін сґрхмн, эн керг-ўўлдвриг вузин профком бўрдіљіні, факультетмўдин, багмудын командс энўнд орлцљ диилічін йилєљ авх.
Мана тањєчин єардач Басан Городовиковин єарсн ґдрт нерідсн тиим олн соньн керг-ўўлдвр Хальмг КГУ-д болхмн, тањєчин талдан чигн он-лайн керг-йовдлд оютнр орлцх.

ТЎРВІН Єуна

Видео