Бачм дөң күргхәр

13-03-2021, 16:50 | Таңһчин зәңгс » Эрўл-менд харлһн

Таңһчин әмтнд бачм медицинск дөң күргхин төлә олн зүсн эв-арһ олзлгдна. Тиигәд, одахн мана таңһчур шин МИ-8 вертолет ирв. Терүнә төлә санитарн авиацин Келн-улсин цергллтлә бооцан батлгдв, терүгәр эн җилин ноха сарин чилгч күртл вертолет бачм дөң күргхин төлә нисдг болхмн.

Реаниматологудын, неанатологудын, түргн медицинск дөң күрглһнә болн аюлын медицинә цергллтсин, таңһчин эрүл-менд харлһна министерствин элчнр шин вертолетиг шинҗлҗ хәләв. Темдглхәс, терүнд өдгә цага техник бәәнә, 18 күн терүнд багтна, дарунь һурвн күүг кевтүлҗ зөөхин төлә таал бәәнә. Райодын эмнлһс вертолет кергтә болхла дарунь нисҗ ирхдән белн бәәхин тускар зәңглгдв.
Шидр вертолет түрүн болҗ Баһ Дөрвдә района эмнлһнүр нисҗ һарв. Маңһдуртнь эмчнр Ик Царң тал нисҗ бәәрн күүнд түргн дөң күргв. 2020-ч җилд санавиац 62 дәкҗ олзлгдв, ут тоодан эн 177 частан нисв. 69 күүнд дор ормднь түргн дөң күргхәр вертолет нисв, 68 күүг тер тоод хойр саата күүкд күүг болн 4 бичкниг, талдан эмнлһнд күргв.
Мана зәңгч

Видео