Йилєін сін багшнриг ачлв

13-04-2021, 16:24 | Таңһчин зәңгс » Сурєуль-эрдм

Бидн Элст балєсна 2021-ч љилин йилєін сін багшиг шўўљ авлєна марєана йовудын тускар бичлівидн. Мана зіњгч одсн ил кичілиг Зая-Пандитан нерті этносойлын гимназьд 3-ч классин сурєульчнрт Элстин 17-ч тойгта СОШ-ин эклц классин багш Елена Борисовна Гучинова ґгв. Тер утх-зокъялын кичілд сурєульчнр кесг шин тоот медљ авсмн, тоолвран келсмн. Туслњ Елена Гучинова марєана жюрин шиидврір Элстин 2021-ч љилин йилєін сін багшин ґґдін нер зўўв. Эн очнта кўцімљлі бидн Елена Борисовнаг ірўн седклісн йґріљінівидн.

Хойрдгч ормд Эрвњ Борисовна Пюрвеева єарв. Бає наста багш урднь «Багшин дебют» марєанд диилвр бірлі. Эрвњ Борисовна Элстин 20-ч тойгта СОШ-т кґдлљіні. Єурвдгч ормиг 2-ч тойгта СОШ-ин физикин багш Ольга Юрьевна Хатикова эзлв, марєана тўрўн ґдрин йовудт дамшлтта багш хамгин сін аш ўзўлсмн, тегід нўўрлгч ормд єарсмн.
Лауреатнрин тоод ЭМГ-н тууљин багш Татьяна Борисовна Манцаева болн 15-ч тойгта СОШ-ин цогц батруллєна багш Олег Викторович Егоров заагдв. Ут-турштан эн номинацд Элстин 7 йилєін сін багш орв.
«Багшин дебют» гидг бає наста мергљлтнрин марєанд Элстин 17-ч тойгта СОШ-ин талын келні багш Анастасия Евгеньевна Очир-Горяева диилвр бірв. Тиим кевір эн школын багшнр хотл балєсна марєанд сіінір белдід ґґдін кўцімљд кўрв. Тиим ончта йовдлла эдниг болн дунд сурєулин багшнриг болн єардвриг йґріљінівидн!
– Багшин кўцімљин улд тўўні сурєульчнр бііні. Багш кўўкдтін дуран ґгхлі, эрк биш кўслдін кўрх,- гиљ Анастасия Евгеньевна тоолвран келв.
Хойрдгч ормд 10-ч тойгта СОШ-ин эсвин багш Анастасия Викторовна Минкевич єарв. Єурвдгч кўндті ормиг 15-ч тойгта СОШ-ин орс келні болн урн ўгин багш Намљл Зулаевна Аджиева эзлв.
Марєана лауреатнрин тоод С.Радонежскийин нерті Орс келн-улсин гимназин эклц классин багш Саулеш Насихатовна Ошланова болн Элстин олн салврта гимназин талын келні багш Арзыгул Аганазаровна Эсенова орв. Ут турштан эн номинацд бає наста 8 багш мергљлтін сґрв.
Тер мет школмудын психологуд эн марєанд орлцла, эдн дундас ончта диилвриг «Хальмг Тањєчин 2021-ч љилин йилєін сін педагог» гидг марєана муниципальн девсњд Ольга Улюмджиева бірв. «Педагог - психолог» номинацд Ольга Валерьевна хамгин ик балл хоршасмн. Элстин олн салврта гимназин педагог-психолог болљ эн кґдлљіні. Тиим кевір гимназин коллективиг чигн ґґдін кўцімљлі йґріљ болхмн.
Хойрдгч ашт 2-ч тойгта СОШ-ин педагог-психолог Инна Александровна Пугачева кўрв, єурвдгч ормд 17-ч тойгта СОШ-ин мергљлт Юлия Анатольевна Эльдяева єарв.
Лауреатын ґґдін нериг Элстин лицейин элч Алина Джолдошбековна Бейшембиева болн 12-ч тойгта СОШ-ин мергљлт Сувсана Эдуардовна Карбушева зўўв. Эн номинацд тавн багш орлцв.
Бичкдўдт сін сурємљ ґглєн бас ик дааврта керг мґн. ДОУ-н сурємљлачнрин номинацд диилічин ончта нериг Элстин 26-ч тойгта ДОУ-н мергљлт Кристина Саналовна Джиляева зўўв. Хойрдгч ормд 20-ч тойгта «Нарн» ДОУ-н элч Саглар Долановна Королева єарв, цааранднь марєана чинврті йовудт єурвдгч ормд 25-ч тойгта «Дельфинчик» ДОУ-н сурємљлач Гилада Санджиевна Бевикова єарв . Эн номинацд 10 сурємљлач дґрлдв. Эдні марєан 4-ч тойгта ДОУ-н ул деер болсмн.
Цуг орлцачнриг, призермудыг болн диилічнриг бидн ончта кўцімљлі йґріљінівидн. Ода удл уга болх тањєчин марєанд орлцљ бас сін кўцімљд кўртн! Райодар багшнрин дґрлдін бас давсн бііні.
ТЎРВІН Єуна

Видео