Иљл селінд иљлдсн улс

07-04-2022, 11:58 | Общество

Урзн кґдлмшин халхар мана седкўлчнрин баг Октябрьск района Иљл поселкар дављ єарсн саамд тўрўн авгтан нам зґвір сўрдх біідл ўзід йосндан алњ боллав.

Тер кемд давсн зун љилин найдгч љилмўдт зуни кемд нег дікљ иигірін ирсін генткн сіінір тодлув. Эљго теегт тосхгдсн шин поселкиг ке-сііхн уульнцс,олн давхр гермўд, ґдгі цага кесг тосхлтс кеерўлљіснь ода кўртл мартгдад уга. Хату девскрті хаалєсин хаљуєарнь урєљасн моддын сўўдртнь кен-негнь кґлсін царцаљ амрчаснь ода болљасн йовдл гиљ сангдв. Зуг йирдгч љилмўдт рынкин таалд урдк совхоз-колхозмуд тарад, цааранднь кґдлљ чадлго йосндан тўрід бііснь мел ўнн. Кґдлмш уга болад, імтні ик зунь эврі отг-іімгісн нўўљ єарад, талдан єазрмудар бііршлв. Эдні гермўднь болхла хуучрад нурљадг йовдлмуд мана селідір дару-дарунь учрљахнь чигн нуувч биш. Зірм ормар болхла эздўднь гермўдин терз-ўўдинь хадад хайсинь ўзхлі, нам эвго болна эсий… Урднь біісн ут єо уульнцсин ормд ода хая нег цґґкн гер ґнчрід ўзгдні биший, біірн улсин тонь чигн баєрв. Тегід Иљлин біідл яєтлан тиигљ хўврсмб гихлі, эргнднь учрљадг йовдлмудыг бас оньгасн алдљ болшго гиљ ухалнач, эннь зґвті угай гиљ цеврдўлхір чигн седніч. Тернь тер…

Тууљиг сергієід, давсн зун љилин далдгч љилмўдт минь эн єазрт учрсн йовдлмудыг тодлый. Тиигхд Сарпан тегш єазриг эд-бод келєн тер цага кемљієір Цугсоюзин тосхлт болљ зарлгдсинь мана умшачнрин кен-негнь мартад чигн уга болх. Тегід тањєчиг єардљасн Б.Б.Городовиковин дуудврар шинкн бўрдсн Октябрьск районур орн-нутгин цуг регионмудас нурєлљдан баєчуд олар ирљ эн тосхлтд шунмєа кевір орлцсн болдг.Эљго теегт ирљ бўўрлљісн імтн тўрўн даруєан палаткст бііршлід, казармс болн цергі нань чигн объектс эклід тосхсмн. Олн келн-улсин элчнріс тогтагдсн тосхачнрин бригадмудт тањєчин цуг райодас ирсн хальмгуд чигн олар кґдлљісмн.

Тер цага йовдлмудыг яєад сіінір медніч гихлі, ик чинрті тер тосхлтд мини ўй ах эгч хойр бас орлцљ, Иљл поселкд кесг љилдін кґдлљ йовла.Баахн цаг басл љигті сііхн цаг мґн, муурна-цуцрна гидгиг нег ўлў баєчуд меддго. Ґдрин дуусн кўнд чолу зґґєід, ґткн шалдар зуурад кґдлсн бийнь асхарнь цугтан селіні сойлын Герт цуглрад, сергмљтієір амрдган тер цага тосхачнр бўлінір тодлна. Энд-тендіс ирсн баєчуд нег-негндін дуран ґгід, интернациональн бўлмўд тогтасн болдг. Тўрўн болљ хальмг теегиг, хальмгудыг ўзсн хол єазра улс йосндан эн біірнд иљлдід, біієід дасчксн ормасн ода чигн нўўљ єархар седљіхш. Иим улсин негнь олн љилдін Октябрьск района селіні эдл-ахун заллтд кґдлљ йовсн медіт Иван Фомин мґн. Кґдлмшин халхар энўнлі кесг дікљ харєљ кўўндх саам учрла. Далдгч љилмўдт Белгородск мўљд біісн баахн орс кґвўн Б.Б.Городовиковин дуудврар Октябрьск районд ирљ кґдлсн болна.Энд ґркін ґнділєід, хойр ўрін ґскід, ачта амрлєндан єартлан Ик Царњд кґдлв. Кезієўр-язаєур тівн-љирн љил давснь нам медгдсн уга, аль єазра кўн болљахан нам мартад ирўв, тедў мет Ик Царњд иљлдљ одлав гиж нег дікж Иван Петрович келснь мартгдхш.

- Далдгч љилмўдин эклцір Иљлд біісн Г.Быкова, Н.Давыденко, Н.Селевкина, Ш.Гейдаров ахта бас минь иим улсин тоод мана тал нўўљ ирсн болдг, – гиљ Ижл селіні муниципальн бўрдіцин толєач Настан Любовь келні. 1976-ч љилд “Ижл” совхоз бўрдігдљ, тўрўн єардачд Мучкан Эрднин Валерий шиидгдсмн. Дарук љилин зунарнь болхла энд селіні Совет эклід ўўлдв. Суњєвр болсна ашар Советин кґдлмшиг Манљин Андрейин Павел єардсмн. Даруєас эн ґґдін ўўлд Шунчін В., Анін Б., Бакан Д., Анін У. болн Очра В. батлгдсн болдг.

Шинкн бўрдсн селінд олн зўсн аца зґґлєні, хаалєс, імтн біідг гермўд тосхлєна тґлі кґлгн кергті біісмн, тегід Иљл селіні Советин медлд єурвн ПМК, кґлгні эврі бўрдіц кґдлсмн, энд бііршсн шишлњ батальонд церглљідг салдсмуд бас эдл-ахуд нґкд болљ тосхлтд орлцв.

Шин біірнд ирљідг імтні бўлмўдт нилхд олар тґрљів, тегід хамгин тўрўнд бичкдўдин сад болн дунд сурєуль секх бачм тґр учрв. Энўніс ишті чигн 1977-ч љилд дунд сурєулин гер эдлврт орснь біірн улсин тґлі ик гидг байр болв. Сурєулин кґдлмшиг Васькині А. чадмгар єардв, энўнлі хамдан Хамзині Л., Мархадыка А., Сањєљин В. багшлв. Эн кемд секгдсн селіні эмнлєнд эмч Болота В. болн медицинск эгчнр Шлыка Г. болн Шанхан Н. гемті улст дґњ-нґкд болљ тусан кўргљів. Удл уга селінд дегтрин сањ секснь біірн умшачнриг йосндан байрлулв.Энд кґдлљісн Тењгін Е. ик- бає угад кергті шин дегтрмўд зґґљ орулв, кен-негинь соньмсулх керг-ўўлдврмўд бўрдіљ давулдг болв.

- Љил ирвіс мана поселк ґсід-ґргљід, арвн зурєан патьрта олн давхр шин гермўдт біірн імтн нўўљ орснь ик байр-бахмљ болснь тодлгдна, Ґдмг болєдг, бийін уєадг, хот уудг гермўд тосхгдв, біірн лавкст хулдгдљадг эд-тавриг болн сенр хот-хоолыг нам района тґвин лавкст олхд берк біісмн. Манад біідг медітнр ода бийнь ґдмг болєдг Алакан З., АТС-ин кґдлічнр Авдиенкон Н. болн Болдра Н., поштыг сексн Манљин Р. ахта улсин хайгар буульмљта, ханлтта ўгмўд келснь соњсгдна, – гиљ Настан Любовь бахтљ келні. Йирдгч љилмўдин эклцір Иљлд коммунальн эдл-ахун негдлт бўрдсн болдг. Тўрўн ахлачд Нідвді Д. батлгдв, дарунь эн ўўлд Очра Виктор шиидгдв.

Ґдгі цагт болхла Иљлин дунд сурєулин багшнрин коллектив сурєуль-эрдмин халхар кўцігдљідг тґсвст шунмєа кевір орлцљ кўцімљтієір ўўлдљіні. Нидн мґрн сард муниципальн бўрдіцин єазрин делгрлтин туст кўцігдсн социальн чинрті тґсвин йовудт Иљлд “Байр” гидг бичкдўдин талвњ секгдв. Біірн ФАП-д селіні улсиг эврі фельдшер эмнні, поштын туслмљиг чигн імтн олар олзлна. Тегід яєдг-кегдг болв чигн олна хормад багтљ, сансан кўціх санан-седклтієір ўўлдљ, района ончта ґґниг байрта-бахта кевір темдглхір зуралљанавидн гиљ селіні муниципальн бўрдіцин толєач келснлі чигн зґвшірљ, эњ сііхн тґрнь йиртмљин йосар љирєх гиљ йосндан иткніч.


Шагљин Любовь

Видео