Бамб цецгин наадмд орлцтн!

01-04-2023, 08:22 | Общество

Эндр мана таңһчд хаврин хамгин сәәхн, ончта керг-үүлдвр эклҗәнә. Эннь Бамб цецгин наадм мөн. Эн долан хонгин йовудт «Калмыкия» РИА-н барин төвд райодын һардврин элчнрин орлцлһтаһар кесг брифинг давв. Эн сара хонгт бембә болн нарн өдрмүдт таңһчин райодар соньн керг-үүлдврмүд давхмн.

Мөрн сарин 8-д «Бумбин орн – Адг» нертә хотнд Бамб цецгин наадм болхмн. Энүнә йовудт района сойлын коллективс байрин концерт үзүлхмн. Тер мет харвачнр, бөкнр чидлән сөрх. Терүнәс нань олн зуульчнр дунд тааслт олсн оошк Колтан-нур, дуулдг элсиг, шачах булгин усиг хәләдг саам учрхмн. Тиигәрән шишлң көлгәр күрч болхмн. Бичкдүд, бөдүн улс чигн темә болн мөр унҗ довтлҗ чадҗана. Җил болһн селәнә эдл-ахун марһаст орлцдг Хар Һазра тохма хөөдиг наадмин йовудт бүрдәсн һәәхүлд бас үзҗ чадхит, гиҗ РМО-н толһачин дарук Дорҗ Саряев келв.
Баһ Дөрвдә района муниципальн бүрдәцин толһачин дарук Елена Хурманован келсәр, Бамб цецгин наадм мөрн сарин 22-т давулгдхмн. Эднә районд «Алтн булг» нертә керг-үүлдвр болхмн, Баһ Дөрвд селәнә хаҗуд хальмг хотн бүүрлхмн. Тер мет Ик Бухст нертә җаңһрч Ээлән Овлан музей бәәхәс иштә района байрин йовудт җаңһрчнр билгән үзүлхмн.

(полную версию статьи можно посмотреть в бумажной версии выпуска № 34 (18873) 4 апреля 2023 года, ВТОРНИК)

Видео