Ачнран мал өсклһнә кергт орлцулҗана

04-04-2023, 08:25 | Общество

Таңһчин эдл-ахуст төл авлһна кем гүргүдән орчкв. Җил болһн эн кемд цуһар ик эртәснь белднә. Намрин цагт фермермүд малын хотан белдҗ, үвлзлһнә кемиг сәәнәр давулҗ, хаврар сән төл авхар зүткнә. Давсн үвләр ик киитн болсн уга, зуг лу сард ик цасн орсн билә, тер бийнь эн харшлтан күргсн уга гиҗ келх кергтә.

Көтчнрә района АПК-н делгрлтин әңгин кесн то-дигәр, эднә эдл-ахуст бәәдг 25806 толһа бод малас 4320 туһл, 113695 хөөнәс 6300 хурһн авгдв. Хамгин ик төл мөрн сард авхар зуралҗана.
Чкаловский поселкин өөр хошан бүрдәсн Бадмин Хаалһ бичкнәсн малд көдлнә. Энүнә эцкнь Манҗ Убушиевич урдк җилмүдт совхозин ах үкрч болҗ, мал өсклһнд ик тәвцән орулҗ йовла. Хаалһ болхла бичкнәснь эцкән дахад, малын ард йовад, эн күнд дааврта көдлмшт орв.
Урдк зун җилин йирдгч җилмүдт мана орн-нутг хүврҗәсн цагт Бадмин Хаалһ цаг зуур Сарпан района Шарнут селәнд мал өсклһнә халхар көдлҗ йовсмн. Хөөннь төрскн поселкдан хәрү ирҗ, эндр күртл энд малан өскчәнә.
(полную версию статьи можно посмотреть в бумажной версии выпуска № 34 (18873) 4 апреля 2023 года, ВТОРНИК)

КАРСАНА Евгения

Видео