Немр эрдм дасхар седхлә

16-03-2023, 19:52 | Общество

Өдгә цагт «Әрәсәд көдлмш» гидг сурһулин порталд мана таңһчин 50 күн немр сурһуль сурхин төлә эрлһән орулсн бәәнә. Терүнәс 11 күүнә туст шиидвр авгдв, дәкәд 13 күүнә иткл цаасн шинҗлгдҗәнә. Эрлһән орулсн улсас 6 күн сурһуль сурчана, эдн тоочин, немр сурһулин багшин, шаңһа болн муниципальн залврин халхар эрдмтә болхмн.
– Мана министерств Томск шаңһа ик сурһульла болн РАНХиГС-лә 90 сурһулин көтлврин туст зөвшәл батлв. «Әрәсәд көдлмш» гидг сурһулин порталд мана таңһчин әмтн тааста эрдм шүүҗ авад, немр сурһуль сурхин төлә эрлһән орулҗ чадҗана, – гиҗ таңһчин социальн делгрлтин, күч-көлснә болн көдлмшәр тетклһнә министр Өлзәтин Марина келв.
Мергҗлтән өөдлүллһнә болн немр эрдм даслһна керг-үүлдвр «Демография» гидг келн-улсин төсвин «Көдлмшәр тетклһнд туслһн» гидг федеральн төсвин медлд бүрдәгднә.

БАТАН Сәәхлә

Видео