Херсона улсиг дөңнҗ

16-03-2023, 19:54 | Общество

Шидр таңһчин социальн делгрлтин, күч-көлснә болн көдлмшәр тетклһнә, Әрәсән социальн саңгин региональн әңгин, МВД-н, Росреестрин болн ЗАГС-ин заллтсин, таңһчин тосхлтын министерствин мергҗлтнр Городовиковск балһснд одад, Херсонас нүүҗ ирсн улсла харһв. Эдн районд секгдсн цаг зуур үүлддг бәәрнд бәәршлнә.
«Төгрг ширән» йовудт ведомствсин элчнр социальн харслтын, көдлмшәр тетклһнә, зөв харслһна болн нань чигн төрмүдәр цәәлһвр өгв. Тер мет социальн дем авхин төлә ямаран бәрмт цаасн кергтә болҗахиг эднд келв. Темдглхәс, ведомствсин элчнр дару-дарунь Городовиковск балһснд бәәдг Херсона улсла харһҗ, эдниг соньмсулҗах төрмүдәр сүв-селвг өгнә. Өдгә цагт цаг зуур үүлддг бәәрнд 21 иргн орулгдв.

БАТАН Сәәхлә

Видео