Царцаха уга келһнә туст

Хальмг Таңһчин селәнә эдл-ахун министерствин, «Россельхозцентр» ФГБУ-н мергҗлтнр Ик Буурла, Яшкулин болн Хар Һазра РМО-син элчнрлә хамдан хойр гектар аһу һазрт царцахаг уга келһнә туст ирлцңгү көдлмш давулв. Тер мет таңһчар 155 миңһн гектар аһу һазр шинҗлгдв. 4,17 миңһн гектар аһу һазрт хорта урһмл урһҗаснь илдкгдв. Урднь ирлцңгү көдлмш Үстин районд бас давулгдв.
Темдглхд, царцаха уга келһнә туст давулгддг көдлмшиг санитарн некврлә ирлцҗ күцәх кергтә. Мана орн-нутгт эврә шишлң химикатмуд олзлх кергтә, тер мет көдлмшин йовудт әәмшг уга техник бас олзлх кергтә. Таңһчин селәнә эдл- ахун министерствд эн төрәр тодрха цәәлһвр авч болхмн.
БАДМИН Занда