Әрәсән Президентин даалһсар харһв

Шидр Хальмг Таңһчин Толһач Хаска Бату Әрәсән Президент Владимир Путинә даалһсар Аршан поселкин бәәрн күүкд күүнлә харһв. Англь келнә багш Мацга Сабира Аршанд бәәдг амрлһна ормд сән таал тогтахиг сурв. Одахн суңһврин ашар энд сән таал тогтахин төлә нег һазра улс дууһан олар өгсн билә.
– Эндр болхла Аршан поселкин амрлһна ормд сән таал тогталһна туст бәрмт цаасн белн бәәнә. Эн җил «Балһснд сән таал тогталһн» келн-улсин төсвин йовудт Аршанд көдлмш күцәгдхмн. Сабира Рафхатбековнан тәвсн төриг ахр цагин болзгт хаһлхвидн. Зуна амрлһна өдрмүдән бичкдүд шин талвңд давулхмн, – гиҗ Бату Сергеевич иткүлв.
ОЛЬДАН Цаһан