Дииләчин мөрә бәрүлҗ өгв

Хальмг Таңһчин Толһач Хаска Бату Санкт-Петербургд давҗадг экономическ нарт-делкән хургин йовудт оютнрин дунд спорт делгрүлҗәдг төләднь «Стилобат» компаньд дииләчин мөрә бәрүлҗ өгв.
– Эн талвңд спортын, йосна болн бизнесин элчнриг негдүлсн «Росконгресст» ханлтан өргҗәнәв. Мана орн-нутгин туст хаслһна олн эв-арһс учрсн бийнь, Әрәсәд спорт делгрәд йовна. Хальмг Таңһчд болхла, спортивн федерацсин бүрдәцсиг залврин элчнр һардҗана, – гиҗ Бату Сергеевич темдглв.
«Стилобат» компань оютнрин дунд спорт делгрүлсн деерән, социальн болн политическ төрмүд хаһллһнд бас орлцҗана. Орн-нутгин президентин темдглсәр, олн-әмтиг, нег үлү дорас өсч йовдг баһчудыг спортд орлцулх кергтә, эн туст ирлцңгү таал тогтах кергтә болҗана.
ОЛЬДАН Цаһан