«Агростартап» мөрә шүүҗ авв

Таңһчин селәнә эдл-ахун министерствд «Агростартап» мөрә авхин төлә давулсн марһана ашинь диглв. Эн мөрә селәнә эдл-ахун бүрдәцст болн өрк-бүлин ферм делгрүллһнд йилһҗ өггднә.

Крестьянск-фермерск эдл-ахуһас 39 эрлһн орҗ ирв, эднәс марһана комиссь 14-нь шүүҗ авв. Ирлцңгү дөңгин кемҗән 73 сай арслң тогтав, урдк җиллә дүңцүлхлә эннь 21,7 процентд өсв. Мөрән дундын кемҗәнь 5,2 сай арслң тогтасмн. Йилһгдсн мөңгн бордлһна талвңгудын болн буудя хадһлдг бәәр тосхлһнд олзлгдхмн.
Тер мет тохма мал болн шишлң техник хулдҗ авлһна, ирлцңгү бәәр тосхлһна халхар орҗ ирсн 97 эрлһнәс 22-нь шүүҗ авгдв. Эн туст 74 сай арслң йилһгдв. Терүнәс нань 12 сай арслң буудя хадһлдг бәәр тосхлһнд йовулгдх болв.
Мөрә авхин төлә алс-зәәһин эв-арһар бәрмт цаасан орулҗ болв. Эннь коррупц гетлһнд туслв, гиҗ ирлцңгү министерствд темдглв.
ОЛЬДАН Цаган