Спортын наадм болхмн

12-09-2024, 13:02 | Спорт, Таңһчин зәңгс, Хальмг Тањєчин Толєачин ґдр-бўр, Зіњг

Ирх долан хонгт, һаха сарин 20-д, Элст балһснд «Бадм цецгин марһан» нертә нарт-делкән чинртә спортын наадм болхмн. Эн җилд наадм оңданар давулгдхмн, көтлврин йовудт кикбоксингәр – долан, боксар болхла дөрвн марһан болх.
Чинртә марһанд түрүн болҗ Ильзитинә Богдан, Абушинә Арлтан болн Данила Скворцов орлцхмн. Тер мет нерән туурулсн спортсмен Натыра Чингиз WBA ASIA EAST нер зүүхин төлә наадмин һоллгч марһанд чидлән сөрхмн.
Терүнәс нань наадмд орлцхар Әрәсән командын ханьд ордг Ростислав Варнавский, Асадулла Насипов, Денис Бурматов, Александр Стецуренко болн талдан элчнр ирхмн.
– Өдгә амр биш цагт нарт-делкән спортын марһаст мана орн-нутгин элчнрин орлцдг арһнь хасгдад, тегәд гертән давулгддг тиим керг-үүлдврмүдт орлцҗ чадҗана. Тер мет чинртә керг-үүлврмүд давуллһн мана таңһчин төлә зуульчллһиг бас делгрүлнә. Күндтә үүрмүд, һаха сарин 20-д Элстд ирәд, спортын наадмд орлцтн, – гиҗ Бату Сергеевич олн-әмтнд үрвр кев.
ОЛЬДАН Цаһан

Видео