Суңһврин ашинь темдглв

Хальмгин Толһач Хаска Бату «Негдсн Әрәсә» партин Деед Советин Бюрон болн Президиумин селвлцәнд орлцв.
Терүнә йовудт шидр болсн суңһврин ашар мана региона күцәмҗ темдглгдв. Суңһачнрин 61,35 процент керг-үүлдврт орлцсн билә.
Әрәсән Президент Владимир Путин Хаска Батула харһсн хөөн эн йовдл тиим ашт туслв, гиҗ темдглх кергтә. Харһлтын йовудт Бату Сергеевич орн-нутгин Президентд Хальмг Таңһчин өөрхн иргчин делгрлтин туст ямр чинртә төсвс күцәхәр седҗәхән цәәлһҗ өглә.
– Әрәсән болн Хальмгин цецгәрлтин төлә бидн негдәд, олна кергт тәвцән орулҗ йовх зөвтәвидн. «Негдсн Әрәсә» партин һардврт маднд оньган өгснд ханлтан өргҗәнәв, – гиҗ Хаска Бату товчлв.
ОЛЬДАН Цаһан