Әрәсә – спортын орн-нутг

Вчера, 11:55 | Таңһчин зәңгс » Хальмг Тањєчин Толєачин ґдр-бўр

Спорт әмтнә җирһлд ик чинр зүүнә, эннь кен-негнднь күцәмҗтә болхд туслна, - гиҗ мана орн-нутгин Президент Владимир Путин «Әрәсә – спортын орн-нутг» гидг нарт-делкән ик хургт келв. Хальмг Таңһчин Толһач Хаска Бату келсн эн үгиг дөңнҗ, спорт чаңһ-чиирг, чидлтә болн цецн ухата болхд дөң туслдгиг темдглв.

- Мана таңһчд талдан регионмудт мет спортар соньмсхин төлә әмтнә төлә таал тогталһн эркн чинр зүүнә. Бидн спортар соньмсчадг улсиг дөңнәвидн, - гиҗ Хаска Бату темдглв.
Спортын ик хургт Хальмг Таңһчин спортын министрин үүл дааҗадг Батыра Константин фиджитал-спортын федерацин президент Никита Нагорныйла бооца батлв. «Сара хонг хооран Әрәсән залврин Ахлачин дарук Дмитрий Чернышенкон нилчәр бидн түрүн фиджитал-төв секвидн. Эн спортын болн өдгә цага эв-арһсин халхд күцәмҗ бәрх саната баһчуд цуглрдг орм болв. Эн бооцан батлгдснас иштә 2030 җил күртл бидн мана таңһчд баһ гиснь һурвн фиджитал-төв секхвидн», – гиҗ Бату Сергеевич келв.

БАТАН Наталья

Видео