Хаалһс ясгдхмн

Хальмг Таңһчин Толһач Хаска Бату нег һазра улстаһан даңгин харһад, нәрн төрмүд хаһллһнд орлцхар шунна. Шидр Үстин района Цаһан Амнд бәәдг Җамбинә Айса Бату Сергеевичлә харһҗ, эврәннь зовлңган медүлв.
Айса Николаевна «Утта-Үст-Цаһан Амн» региональн чинртә хаалһиг бат кевәр ясх кергтә гиҗ келв. Эн хаалһ 1997 җилд тосхгдад, тер цагас авн ясгдад уга. Сүл тавн җилин туршарт «Әәмшг уга сән чинртә хаалһс» келн-улсин төсвин йовудт 79 дуунад хаалһс ясгдв.
– Эндр эн хаалһин ясврин зура батлгдсн бәәнә, көдлмш 2025 җилд цаарандан күцәгдхмн. Тер мет таңһчин талдан хаалһс бас ясгдхмн. Нег һазра улсиг үүмүлҗәдг төрмүдиг цааранднь хамдан хаһлхмн. Эн төриг босхсн Айса Николаевнад ханлтан өргҗәнәв, – гиҗ Хаска Бату товчлв.

ОЛЬДАН Цаһан