Ар Кавказд церглсн баг хәрҗ ирв

Зурһан сарин туршарт таңһчин МВД-н медлд бәәдг хамцу баг Ар Кавказд цергләд, шидр хәрҗ ирв. Полицин көдләчнриг тослһна керг-үүлдврт Хальмгин Толһач Хаска Бату болн Улсин Хуралын (Парламентин) Ахлач Артем Михайлов орлцв.
Кергән даавртаһар күцәснд Бату Сергеевич ханлтан өргҗ, ончрсн көдләчнрт Ханлтын бичгүд бәрүлҗ өгв, багин командир, полицин подполковник Һәрәҗин Саналд болхла онц ханлтан медүлв.
– Хальмг Таңһчин дотр-дундын кергүдин министр Дмитрий Григорьевд болн МВД-н делгрлтд тәвцән орулсн Улсин Хуралын Ахлач Артем Михайловд ханлтан өргҗәнәв. Өдгә амр биш цагт кен-негән дөңнәд, хамцу үүлдҗ, олна кергин төлә цааранднь шунҗ йовхвидн, – гиҗ Бату Сергеевич товчлв.