Цергә көлгнә һәәхүлд

Урҗ өдр Элстд СВО-н йовудт өшәтнәс бәрҗ авсн зер-зевин болн цергә көлгнә һәәхүл төгсв.
Кесг өдрин туршарт һәәхүл олн-әмтиг соньмсулв. Нег һазра улс бәәтхә нам хам-хоша бәәдг регионмудас әмтн бас ирҗ энүг хәләв. Ут тоодан һәәхүлд һучн миңһн шаху күн ирсн болв.
Һәәхүлиг нег үлү баһчуд олар ирҗ хәләснь сән йовдл мөн. Тер мет цергә шишлң керг-үүлдврт нег һазра мана орлцачнр бас һәәхүлд ирв.
– Чинртә һәәхүлиг бүрдәсн Әрәсән харслтын Министерствд, тер мет Өмн үзгин цергә округин һардач Владимир Кочетковд ханлтан өргҗәнәв. Мана алдр орн-нутг эрк биш диилвр бәрхмн, – гиҗ таңһчин Толһач Хаска Бату ашлв.
ОЛЬДАН Цаһан