Шин келн-улсин төсвс эклх

Урҗ өдр Әрәсән Президент Владимир Путин орн-нутгин делгрлтин болн келн-улсин төсвсин Хүүвин сүүр давулв. Тавн җилин эргцд келн-улсин төсвс Әрәсән делгрлтд туслад, кесг сай күүнд, тер тоод Хальмг Таңһчд туслв.
- Эн җилмүдт бидн 13 келн-улсин төсвд орлцвидн. Теднә дөңгәр шин көдлмшч ормс бүрдәгдв, кесг сурһулин бүрдәцд бат ясвр кегдв, хаалһс шинрүлгдв, социальн, тер тоод усар тетклһнә бүрдцәс, тосхгдв. Келн-улсин төсвсин керг-үүлдврмүдин медлд мана таңһч цуг эн эв-арһсиг олзта-тустаһар олзлҗ чадснд мана Президентд ханлтан өргҗәнәв, - гиҗ таңһчин Толһач Хаска Бату келв.
Сүүрин ашт Әрәсән Президентин шиидврәр мана орн-нутгт шин келн-улсин төсвс эклхнь зарлгдв. Ода бидн орн-нутгин төвлә хамдан Хальмг Таңһчин бәәрн улсин әмтиг үүмүлҗәдг төрмүд хаһлх көтлврмүдт орлцхин тускар күүндҗәнәвидн.

БАТАН Сәәхлә