Нөкцлт делгрүлхәр үгцв

Эн өдрмүдт Хальмг Таңһчин Толһач Хаска Бату Әрәсән Федерацин делегацин ханьд Саудовск Аравия нутгт одв. Шидр таңһчин Толһач принц Мишааль бин Мохаммед бин Сауд бин Абдель Азиз Аль Саудла харһв.
Хальмг Таңһч болн Саудовск Аравия орн-нутг хоорнд нөкцлт батруллһна төр харһлтд босхгдв. Таңһчин Толһачин темдглсәр, мадниг нүүдл сойл, әдл йиртмҗин бәәдл болн экологическ төрмүд хамцулна. Һазр көдәрлһнә, усар тетклһнә нәрн төрмүд маднд бас эркн чинртә болна. Тер мет харһлтд зуульчллһ делгрүллһнә тускар күүндвр болв.
- Ик зергт мана таңһчур гиичлҗ ирх үрвр кевүв. Мана орн-нутгуд хоорнд нөкцлт батруллһн бизнесин, сойлын болн зуульчллһна делгрлтд эрк биш туслх гиҗ ицҗәнәв, - гиҗ таңһчин Толһач темдглв.

БАТАН Сәәхлә