«Негдсн Әрәсән» чуулһнд орлцв

Хальмг Таңһчин делегац «Негдсн Әрәсә» партин XXII чуулһнд орлцв. Терүнд өөрхн иргчин орн-нутгин делгрлтин зура батлгдв.
Ил күүндврин йовудт нәрн төрмүдән хаһлҗ,тәвсн күслдән күрхәр цуһар зүткв. 2022 җиләс авн мана орн-нутгт «Негдсн Әрәсә» партин дунд сурһульмудт бат ясвр келһнә чинртә төсв экләд күцәгдҗәнә. Ирх җилд сурһульмуд цаарандан ясгдхмн, тер мет бичкдүдин садмуд төсвд бас орхмн.
Партин һардврин шинрлтд онц оньг өггдв. Терүнә ханьд цергә шишлң керг-үүлдврин ветеранмуд орв. Әрәсән Президент Владимир Путинә темдглсәр, СВО-н түрүн өдрәснь авн «Негдсн Әрәсә» цергчнрт дөң-тусан күргҗ йовна. «Баатрмудын цаг» нертә шаңһа төсв цааранднь өргмҗтәһәр күцәгдхмн.
– Владимир Путинлә харһсн кемд мана таңһчд СВО-н ветеранмуд шаңһа болн муниципальн бүрдәцст көдлҗәхинь заасн биләв. Эн улс контртеррористическ болн цергә шишлң керг-үүлдврмүдт орлцачнр болна. Эндр эдн олн зүсн ведомствсин һардачнрар көдлҗәнә. «Баатрмудын цаг» чинртә төсв сән йовудтаһар күцәгдәд, ветеранмудын төлә көдлх сән арһ өгчәнә. Тер мет һарчах 2024 җил партин әңгүдин төлә бас чинртә болв. Нег һазра улс тиигәрән ирҗ, нәрн төрмүд хаһллһнд нөкд болх седклән медүлнә. 2025 җилд муниципальн депутатнрла көдлмшән улм гүүдүлхәр зуралҗанавидн. Партин һардврт, нег үлү ахлач Дмитрий Медведевд болн сегләтр Владимир Якушевд регионмудыг дөңнҗәснд ханлтан өргҗәнәв, – гиҗ Хаска Бату онц темдглв.

ОЛЬДАН Цаһан