Ил күүндвр болв

Урҗ өдр Әрәсән Президент Владимир Путин «Шуд залһлдана» йовудт орн-нутгин иргнмүдин сурврмудт хәрү өгв. Делкәд эзлҗәдг һазрин кемҗәһәр Әрәсә хамгин ик орн-нутг болна. Тер мет орн-нутгин зөөрнь болн бахмҗнь әмтн болдг гиҗ Президент онц темдглв.
Хальмг Таңһчин Толһач Хаска Бату эн туст үүдсн ухан-тоолврарн хувалцв:
– «Шуд залһлдана» йовудт Владимир Владимирович олн сурврмудт тодрхаһар цәәлһҗ хәрү өгв. Селәнә һазрт бәәдл-җирһл ясрлһна, АПК-н халхин мергҗлтнриг белдлһнә, олн үртә өрк-бүлмүдиг дөңнлһнә, промышленностин делгрлтин, цергә шишлң керг-үүлдврт орлцачнрт дөң-тусан күрглһнә болн талдан төрмүдт оньган тусхав. Онц темдглхд, орн-нутгин Президентин дөңгәр мана таңһчин делгрлтин шишлң көтлвр күцәлһнд зурһан җува арслң йилһгдв. Цуг регионмудла әдл Хальмг Таңһч келн-улсин төсвс күцәлһнә йовудт өсәд-өргҗәд йовна, гиҗ келх кергтә. Тер мет шаңһа төвлә хамдан усна нәрн төриг цаарандан хаһлҗанавидн. Өвкнрин заясар орн-нутгин, нег үлү төрскн таңһчиннь төлә цаарандан седклән тәвҗ көдлхәр зүткҗәнәвидн, – гиҗ Бату Сергеевич темдглв.
ОЛЬДАН Цаһан