Эмнлһнд бәәдг цергчнрлә харһв

11-01-2025, 16:04 | Таңһчин зәңгс, Хальмг Тањєчин Толєачин ґдр-бўр, Зіњг


Бар сарин чилгчәр таңһчин Толһач Хаска Бату Элстд эмнлһнд бәәдг СВО-д орлцачнрла харһв. Күүндврин йовудт цергчнр сән чинртә эмнлһ авчахан медүлв. Тедн шулун эдгәд, хәрү Төрскән харсхар зүткчәнә.
2024 җилд П.Жемчуевин нертә таңһчин эмнлһн өдгә цагин некврлә ирлцҗәдг кергсләр теткгдв. Тегәд ода нег һазра мана цергчнр гертән сән чинртә эмнлһ авч чадҗана.
– Цергчнрт сән чинртә эмнлһ өглһнә төриг эврән онц кевәр бүрткчәнәв. Нег күүнд үнтә месллһн керглгдҗәнә. Эн төриг моһа сарин чилгч күртл хаһлхиг даалһув. Орн-нутгин Президент Владимир Путинә темдглсәр, Төрскән харсачнрт цуг халхар дөңгән күргх зөвтәвидн. Әрәсән регионмудт мет мана таңһчд СВО-д орлцачнриг көдлмшәр тетклһнә көтлвр экләд күцәгдхмн. Эрүл-менд харлһна көдләчнрт онц ханлтан өргҗәнәв, – гиҗ Бату Сергеевич товчлв.
ОЛЬДАН Цаһан

Видео