Сән өдрләнь йөрәв

Хальмг Таңһчин Толһач Хаска Бату прокуратурин ветеранмудыг болн көдләчнриг сән Өдрләнь йөрәв.

Эндр таңһчин прокуратурин зергләнд медрлтә, дааврта улс көдлнә. Урднь көдлҗ йовсн Һалзн Манкировин, Тавшка Самохинә, Владимир Шипиевин, Николай Хазиковин болн талдан кесг ветеранмудын нерд заах кергтә. Мел эднә бүрдәсн көдлмшиг болн авг-бәрциг өдгә цагин прокуратурин мергҗлтнр цаарандан даавртаһар күцәҗәнә.
– Өдр болһн прокуратурин көдләчнр иргнмүдин зөв харслһна туст нилчән күргнә. Тер мет зөв-йос эвдсн улсин болн коррупцин туст ирлцңгү көдлмшән күцәҗ йовна. Кергән даавртаһар болн чадмгар бүрдәҗәдг Хальмгин прокурор Виталий Семенченкод ханлтан өргҗәнәв. Терүнәс нань таңһчин прокуратурин ветеранмудт онц ханлтан медүлҗәнәв. Өдгә цагин прокуратурин көдләчнрт кергән цаарандан күцәҗ, таңһчиннь болн Әрәсән цецгәрлтин төлә тәвцән орулҗ йовтн, гиҗ Бату Сергеевич йөрәлин үгдән темдглв.

ОЛЬДАН Цаһан