Ветеранмудын ач-тусинь хәрүлҗ

Вчера, 14:00 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Шидр Әрәсән Президент Владимир Путин хавртан темдглгдх Алдр Диилврин 80 җилин өөнд ирлцүләд, нег дәкҗ мөңгнә дем өгхин тускар шишлң зәрлг һарһв.
Төрскән харсгч Алдр дәәнә ветеранмудт, теднә белвсрсн гергдт, насни дигт күрәд уга бәрәнд бәәсн улст 80 миңһн арслң өггдхмн. Ленинградын блокадт бәәсн, насни дигт күрсн бәрәнд бәәсн, ПВО-н, теңгсин болн аһарин бүрдәцст, харслһна тосхлтд көдлсн улст болхла 55 миңһн арслң йилһҗ өгхмн.
– Мана таңһчд җил болһн дәәнә ветеранмудт нег дәкҗ 50 миңһн арслң өггднә, теднә белвсрсн гергдт, бәрәнд бәәсн болн Әәдрхн-Кизләр төмр хаалһин тосхлтд орлцсн улст 5 миңһн арслң йилһгдҗ өггднә. Цуг эн улс Төрскән һазртан хару улс болҗ, мадна төлә омг болн бахмҗ үүдәҗәдг темдг болна, – гиҗ таңһчин Толһач Хаска Бату темдглв.
ОЛЬДАН Цаһан

Видео