Таңһчин экономикиг делгрүлхәр

Мана таңһч аграрн-индустриальн регион болхар зүткчәнә. Эн туст ик көдлмш күцәгдҗәнә, гиҗ келх кергтә.
Элстд агропромпаркин тосхлт сән йовудтаһар давҗана. Энүнд бизнес делгрүллһнә төлә кесг төсвс күцәгдхмн. Тер мет талдан регионмудас инвестормудыг орлцулхар бас зуралгдҗана.
Агропромпаркин дотр хот-хол, мебель кеҗ һарһдг, селәнә эдл-ахун шишлң техник хулддг арһлачнр кергән делгрүлҗ көдлхмн.
Терүнәс нань тенд чинртә шин төсвс бас күцәхәр зуралгдв. Тедн дунд шишлң кергсл нәәмәдллһн, залһлдана, техническ, финансин, юридическ халхар дөң күрглһн болн талдан кесг мергҗлтнрәс селвг авч болхмн. Зуг цуг эн тоотас хамгин үнтәнь әмтн болна. Седвәртә, билгтә, дааврта улсин нилчәр таңһчин экономикин делгрлтд тәвцән орулҗ чадхвидн, – гиҗ Хаска Бату онц темдглв.
ОЛЬДАН Цаһан