«Промсвязьбанкин» һардврла харһв

Хальмг Таңһчин Толһач Хаска Бату «Промсвязьбанк» ПАО-н Өмн үзгин әңгин һардач Роза Фискинала болн банкин Элстин әңгин һардач Тарбан Нарнла харһҗ күүндв.
Энүнә йовудт нөкцлтин халхар күүндвр болв. Өдгә цагт «Промсвязьбанк» орн-нутгин чинртә төсвст орлцҗана, тер мет харслһна промышленностин бүрдәцсиг дөңннә, кредитн мөңг йилһҗ өгнә болн талдан шишлң көтлврмүдт бас орлцна. Зуульчллһ делгрүллһнд бас тусан күргҗ йовна.
– Мана таңһчд «Промсвязьбанк» социальн-экономическ төрмүдт, арһлачнрин кергиг дөңнлһнә, спортын болн талдан халхар чинртә төсвс күцәлһнд дөң-тусан күргхәр бәәнә. Хальмгт Әрәсән ик банксин әңгүд секгдҗәхнь темдгтә. Энүнәс иштә көдлмшч шин ормс бүрдәгдәд, нег һазра улс сән чинртә туслмҗ авч чадҗана, – гиҗ Хаска Бату товчлв.
ОЛЬДАН Цаһан