Алексей Рыбинла харһв

Хальмг Таңһчин Толһач Хаска Бату «Россети Юг» ПАО-н һардач Алексей Рыбинла харһв.
Алексей Александрович «Россети Юг» компань кех-күцәх керг-үүлдврин тускар тодрхаһар келв. Мана таңһчд электросүлҗәнә халхиг улм батрулхин тускар күүндвр болв. Урдк җилд Әрәсән Президент Владимир Путинлә харһсн кемд Хаска Бату эн төриг бас босхсн билә.
– Шаңһа төв мадниг дөңнәд, Хальмг Таңһч талдан кесг регионмудла хамдан чинртә ирлцңгү көтлврт орв. 2030 җил күртл таңһчд тосхгдх социальн бүрдәцсиг электрокүчәр теткх зуралгдв. Мана таңһчин төрмүдт оньган өгсн Алексей Рыбинд ханлтан өргҗәнәв, – гиҗ Бату Сергеевич темдглв.
ОЛЬДАН Цаһан