Нөкцлт делгрҗәнә

Хальмгин Толһач Хаска Бату «Негдсн Әрәсә» партин регионмуд хоорндк Өмн үзгин Хүүвин һардач, Аһшин мүҗин сенатор Сергей Горняковла харһҗ күүндв.
– Партин көтлврмүд күцәлһнә тускар күүндвр болв. Эн көтлврмүд күцәлһнә йовудт сурһуль-эрдмин, эрүл-менд харлһна, спортын болн сойлын бүрдәцс ясгдв. Чинртә төсвс күцәгдәд, нег һазра улсла ил күүндәд, түүнә ашт Элст болн Лагань балһсдт дөңнлһнә олна штабмуд секгдв. Мана региональн әңгин көдлмшиг үнлсн Сергей Васильевичд ханлтан медүлҗәнәвидн, цааранднь чигн нөкцлтән делгрүлхмн, – гиҗ Хаска Бату товчлв.
ОЛЬДАН Цаһан