Нарт-делкән хургт белдәд

Хальмг Таңһчин Толһач Хаска Бату «Новапорт Холдинг» бүрдәцин һардач Евгений Янкилевичла харһв. Энүнә йовудт Элстәс һарч йовдг рейсмүдин то икдүллһнә тускар күүндвр болв. Тер тоод нарт-делкән авиазалһлдана төр бас хаһлгдв.
– Дотр-дундын зуульчллһиг делгрүлхин төлә аэропортд Хальмгин туск олн зүсн соньн һәәхүлмүд бүрдәҗ болна. Терүнәс нань намртан болх шар шаҗна нарт-делкән III хургт белдлһнә төсвсиг «Новапорт Холдинг» бас дөңнв. Удл уга аэропортын талвңд бадм цецгин суврһн босхгдхмн. Евгений Якировичд ханлтан өргҗәнәв. Хамцу үүлдврин ашар таңһчин иргнмүдин болн гиичнрин төлә сән таал тогтахар зүткчәнәвидн, – гиҗ Хаска Бату товчлв.
ОЛЬДАН Цаһан