Әрәсән МИД-ин элчлә харһв

01-03-2025, 12:18 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Хальмг Таңһчин Толһач Хаска Бату Әәдрхн балһснд Әрәсән һазадын орна кергүдин Министерствин элчллтин һардачин үүлиг дааҗадг Олег Коломинлә харһв.
Энүнә йовудт һаха сард Хальмгт болх шар шаҗна нарт-делкән III хургин тускар күүндвр болв. Чинртә хургт ик белдвр кегдҗәнә.
– Энткг, Моңһл, Лаос, Шри-Ланка, Мьянма, Малайзия, Камбоджа, Непал, Таиланд, Бангладеш, Вьетнам, Китд, Бутан болн шар шаҗнд шүтдг талдан орн-нутгудт бәәдг политикин, олна үүлдврин элчнриг хамцуллһн – хургин һол күслнь болна. Эн туст Олег Вячеславович ирлцңгү дөңгән күргхәр белн бәәнә. Әрәсән һазадын орна кергүдин Министерствд ханлтан өргҗәнәв, хамцу көдлмшин йовудт чинртә хургт белдхмн, – гиҗ Бату Сергеевич иткүлв.
ОЛЬДАН Цаһан

Видео