Саг бәәх кергтә

01-03-2025, 12:18 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Шидр таңһчин Толһач Хаска Бату нег һазра улстан видеозалһлдана эв-арһар саг бәәхин тускар келв.
Өдгә цагт Интернетин зәңгллһнә эв-арһс олар олзлгддг болв. Энүнәс иштә мек-тах һарһдг улс олн-әмтиг меклдг йовдлмуд дару-дарунь учрдг болв.
Таңһчин МВД-н зәңглсәр, 2024 җилин туршарт тиим йовдлмуд 25 процентд өсв, түүнә ашт нег һазра улс ут тоодан 188 сай һар арслң мөңгән геев.
– Күндтә нег һазра улс, нег үлү баһчуд, ах үйин улстан оньган тусхаһад, тиим йовдлмудын тускар тодрхаһар келҗ өгтн, гиҗ сурҗанав. Эндр мек-тах һарһдг улсин тускар олн фильмс үзүлгдсн бийнь меклгдсн улсин то өсәд йовна. Терүнәс нань насни дигт күрәд уга арвтнрт бас оньган өгх зөвтәвидн. Эдн Интернетд олн зүсн наадд наадад, бас меклгднә. Энүнәс иштә таңһчин залврт, министерствст болн ведомствст зәңгллһнә ирлцңгү көтлвриг бүрдәх кергтә гисн даалһвр өггдв, – гиҗ Хаска Бату темдглв.
ОЛЬДАН Цаһан

Видео