Зеткртә йовдлмудыг баһрулхар

Хальмг Таңһчин Толһач Хаска Бату мал өсклһнә болн талдан чинртә төрмүдәр селвлцә давулв.
Сүл цагт мана таңһчин хаалһст хәләвр уга йовсн мал дәвргдәд зеткртә йовдлмуд дару-дарунь учрдг болв. Тиим йовдлмуд баһрулхин төлә мал болһн ирлцңгү то-дигин көтлврт орх зөвтә. Зуг ода деерән малын ик зууһинь шишлң тоод авад угань илдкгдв.
– Хаалһст әәмшг уга бәәдл тогтах кергтә. Таңһчин райодын муниципальн бүрдәцст болн Хальмгин ветеринарн заллтд Әрәсән селәнә эдл-ахун Министерствин то-дигин көтлврт таңһчд асргдҗадг малыг оруллһна тускар шишлң даалһвр өггдв, – гиҗ Хаска Бату товчлв.
КАРСАНА Евгения