Чинртә харһлт болв

Хальмг Таңһчин Толһач Хаска Бату Москвад болсн Әрәсән-Мьянманск хургт орлцв. Тенд Мьянма Республикин залврин ахлач Мин Аун Хлайнла харһҗ күүндв.

Намртан мана таңһчд болх шар шаҗна нарт-делкән III хургт Мьянман делегац ирх гиҗ күләгдҗәнә. Терүнә йовудт шар шаҗнд шүтдг орн-нутгудын элчнрин орлцлһтаһар нарт-делкән чинртә кесг төсвс күцәх болҗ зуралгдҗана.
– Азийин орн-нутгудла залһлдаһан батрулхин төлә Мьянма ик нилчән күргҗ чадхмн. Мана таңһчла селәнә эдл-ахун, сойлын, бизнесин, сурһуль-эрдмин, зуульчллһна болн спортын халхар нөкцлтхәр үгцвидн, – гиҗ Хаска Бату темдглв.
Тер мет Мин Аун Хлайнын келсәр, эндр Әрәсән орн-нутг амр биш бәәдлд туссн бийнь күчән шинәс авчана. Шар шаҗн делкән һурвн ик шаҗна тоод ордг төләдән олн-әмтиг негдүлнә. Онц темдглхд, Хальмгт шар шаҗна парк тосхгдад, тенд Мьянман Республикд нерәдсн һәәхүл бүрдәҗ болхмн, – гиҗ күндтә гиич товчлв.
ОЛЬДАН Цаһан