Ик хург угтҗ

22-03-2025, 17:50 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Таңһчин Толһач Хаска Бату Шри-Ланка Демократическ Социалистическ Республикин элч Шобини Гунасекерала харһҗ күүндв.
Мана орн-нутгуд кезәнәс авн нөкцлтҗәнә. Әрәсән болн Шри-Ланкан хоорнд дипломатическ залһлда батлгдад, дигтә 69 җил болв. Шобини Гунасекера шинкн үүлдән орв, эн йовдлла Хаска Бату энүг йөрәв. Көдлмшиннь халхар түрүн харһлтан шар-шаҗна делгрлтин төрмүдт нерәдснь темдгтә болв.
Харһлтын йовудт сурһуль-эрдмин, зуульчллһна, медицинә болн талдан төрмүдәр күүндвр һарв. Тодлхд, 2015 җилд Шри-Ланкас ирсн лам Ньянасиха Ракване Хальмг ик сурһулин магистратур төгсәһәд, 2018 җилд болхла гертән Читтавивека нертә шар-шаҗна орс келтнрин чонҗ бүрдәсн болдг.
– Шобини Гунасекерад намртан болх шар-шаҗна нарт-делкән III хургт ирҗ орлцх үрвр кегдв. Тер мет Шри-Ланкад одхар зөвән бас өгләв. Шар-шаҗна хургт эн орн-нутгин ик делегац ирхиг күләҗәнәвидн, – гиҗ Хаска Бату товчлв.
ОЛЬДАН Цаһан

Видео