Хаалһсин төрәр күүндв

12-04-2025, 13:38 | Таңһчин зәңгс » Хальмг Тањєчин Толєачин ґдр-бўр

Хальмг Таңһчин Толһач Хаска Бату хаалһс тосхдг «Каспий» заллтын һардач Филипп Ходаевла харһҗ күүндв.
Харһлтын йовудт таңһчар давҗ һарчадг шаңһа чинртә хаалһсин ясврин болн хамцу төсвс күцәлһнә тускар күүндвр болв. Хаалһс дара-дарандан ясгдад бәәнә, энүнлә таңһчин экономикин делгрлт бат залһлдата гиҗ темдглгдв.
– Сүл зурһан җилин туршарт «Әәмшг уга сән чинртә хаалһс» төсв күцәлһнә йовудт таңһчд 591 дуунад хаалһс ясгдад, шинәс тосхгдв, 19 тагт ясгдв. Тер мет хату девскр кеҗ һарһдг дөрвн завод тосхгдад, көдлмшч шин ормс бүрдәгдв, ирлцңгү мергҗлтнр белдгдҗәнә. Өдгә цагт болхла шаңһа хаалһс дөрвн татасар хувагдҗана. Мана таңһчин делгрлтд тусан күргҗәдг Филипп Сергеевичд ханлтан өргҗәнәв, – гиҗ Бату Сергеевич темдглв.
Терүнәс нань харһлтын йовудт Филипп Ходаев келн-улсин төсв күцәлһнд тәвцән орулсн Хальмгин тосхлтын, көлгнә болн хаалһин эдл-ахун министрин үүл дааҗадг Киштә Мелентьевад Ханлтын бичг бәрүлҗ өгв.
ОЛЬДАН Цаһан

Видео