Непалд гиичлҗәнә

Хальмгин Толһач Хаска Батун һардврт таңһчин делегац Непал орн-нутгт ирв. Европд мана таңһч шар шаҗна сойлын өвәрц төв болад, Әрәсән болн Азийин хоорнд нөкцлтиг батрулҗ йовна.
Хаска Бату Непал орн-нутгин залврин ахлач Кхадга Прасад Шарма Олила харһҗ, чинртә нөкцлтин халхар күүндв.
– Хамгин түрүнд Б.Б.Городовиковин нертә Хальмг ик сурһулин болн Непалын нүүрлгч вузин хоорнд нөкцлтин залһлдана тускар үгцвидн. Эн туст шар шаҗна шинҗллтин төсвс күцәгдхмн. Тер мет мана таңһч Непал орн-нутгас холд бәәсн бийнь иньглтин залһлдан батрҗана. Тенд Лумбини нертә хурлд Гевш Йонтена болн Бортуна Олегин седвәрәр хальмг суврһн босхгдсн билә. Терүнәс нань шар шаҗна кесг бәәр хәләхин төлә зуульчллһна төрәр бас күүндвр болв. Намртан Әрәсән Президент Владимир Путинә нилчәр болх нарт-делкән шар шаҗна III чуулһнд ирҗ орлцхин туст үрвр кегдв. Мана делегациг, бүләнәр тосснд ханлтан өргҗәнәв, – гиҗ Бату Сергеевич темдглв.