Үрән асрдго эк-эцкнрин туст

Сүл цагт үрдән асрдго эк-эцкнрин то өсәд йовна. Тедн бултад, хайгарн бәәлго, күч-көлснә дегтртән темдг тәвлгон көдлнә. Тиим улсин өрн өдр ирвәс икдәд йовна.
Одахн Октябрьск района приставмудын әңгин көдләчнрин нилчәр олн үрән асрдго эк нег сай һар арслңга өрән даңцав. Эн күүкд күн 2020 җилд насни дигт күрәд уга һурвн үрән өскдг зөвән геесн бәәҗ. Тер цагас авн, теднән хәләлго, мөңг илгәсн уга. Зарһин шиидврәр эн эк 40 часин туршт күчәр көдлх зөвтә билә. Зуг энүг бас күцәсн уга, тиигхләнь энүнә туст керг бүтәгдв. Ахр цагин болзгт күүкд күн мөңг олад, өрән бүклднь даңцасн болдг.
Өрән даңцасн болв чигн эн күүкд күүнә бәәдл-җирһл цааранднь ирлцңгү бүрдәцсин оньгт бәәхмн. Үрдән асрдг мөңгиг эн цааранднь сар болһн өгх зөвтә.
БАДМИН Занда