Көтчнрт билгән үзүлхмн

Шин җилин түрүн сар давад, лу сар зөвтән орчкв. Эн кемд таңһчин үүдәгч коллективс райодар-селәдәр йовҗ, концертсән үзүлх саната бәәнә. Иигәд Хальмг госфилармоня симфоническ оркестр Көтчнрт концерт үзүлхәр белдҗәнә.

Эн селәнә сойлын Герт лу сарин 12-т Хальмг Таңһчин билг-эрдмин ачта үүлдәч Настинә Мергн толһалҗадг коллектив бәәрн әмтнд көгҗмин билг-эрдмән нерәдхмн. Симфоническ оркестрин көтлврт классическ олн үүдәвр ордгинь көгҗмд дурта әмтн сән меднә. Эврәннь концертдан оркестр хальмг көгҗмчнрин үүдәврмүдиг орулдгнь бас темдгтә.
Көтчнрә района әмтнд бас нер туурсн Чонкуша Петрин, Манҗин Аркадин көгҗмиг болн хальмг дуучнриг соңсх таал учрҗана.

ҖИРҺЛИН Кермн