Җалвин өрн даңцагдв

Хальмгин зарһин приставмуд тосн- түләнә компаняс зурһан сай арслң өринь некч авв.Эн компаньд мөңгнә халхар зөвәр амр биш бәәдл тогтсн учрар эн бүрдәц нәәмәдллһнә болн коммунальн туслмҗин халхар өрән даңцалго бәәҗ. Болв эврә көдләчнртән хойр сай һар арслң җалвинь өглго бәәснь зөвәр үүмәтә бәәдл тогтав.
Хойрдгч тойгта Элст балһсна әңгин зарһин приставмуд күцәгч кергин йовудт деер заагдсн компаня өринь даңцалһна туст ирлцңгү керг- үүлдвр күцәв.Тиигәд эн бүрдәцин өлг- эд,эннь 260 дөрвлҗн метр аһу тогтаҗадг әмтн бәәдго хойр гер,бәрәнд авгдсмн,энүнәс нань эн компань 352 дөрвлҗн метр аһута һазрин әңгиг нәәмәдлх зөвән чигн геесн болҗ һарв.
Бәрәнд авгдсн өлг- эдиг компаня өр даңцалһнд олзлхин туст шиидвр авгдсн кемд өртә бүрдәц кредитормудын неквриг күцәҗ,цуг өрән даңцасмн.Тиигәд зарһин приставмудын күцәмҗтә көдлмшин ашт деер келгдсн компаня йисн көдләчд җалвнь чигн бүклдән һарһҗ өггдв.
Шагҗин Любовь