Москван һәәхүлд – хальмг эдл-ууш

Москва балһснд «Крокус Экспо» гидг нарт-делкән һәәхүлин төвд Әрәсән хот-хоолын «Продэкспо-2026» һәәхүл болҗана. Терүнд 35 орн-нутгин хойр миңһн һар бүрдәц эдл-уушан үзүлҗәнә. Һәәхүлд хот-хоолас нань спортын, чик авг-бәрцин халхар өвәрц эдл-ууш олна оньгт тусхагдҗана. Эн керг-үүлдврин йовудт 100 орн-нутгин элчнр сән чинртә хот-хол кеҗ һарһдг бүрдәцслә нөкцлт батлҗ, теднә эдл-уушиг хулдҗ авлһна туст бооца батлна.
Хальмг Таңһчин залврин барин цергллтин зәңглсәр, таңһчин элчнр нарт-делкән һәәхүлд бас орлцҗахнь темдгтә. Тиигәд, махна зүүтә хот-хол болн хөөнә шимтә мах хулддг «Интеграл +», өөдән чинртә буудя болн һуйр эд-бод кедг «Буудян компань» кемҗәлгдсн дааврта ниицәc болн заһсна эдл-ууш кеҗ һарһдг арһлач А.Г. Селезнева һәәхүлд сән гисн хот-хоолан үзүлв. Эдн «Мини керг» төвин дөң-тусар һәәхүлд орлцв.
Батан Сәәхлә